Premer-Mınıstr EYDU Bas hatshysynyń orynbasarymen júzdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Astanaǵa «Bir beldeý, bir jol» bastamasy aıasynda Salyqtyq yntymaqtastyq jónindegi konferentsııaǵa qatysý úshin kelgen EYDU Bas hatshysynyń orynbasary Masamıchı Kono myrzamen kezdesý ótkizdi. Bul týraly primeminister.kz habarlaıdy.
Kezdesý barysynda QR-nyń EYDU-men yntymaqtastyǵynyń Eldik baǵdarlamasy aıasynda Uıymnyń qurylymdyq bólimshelerine qosylý jáne Qazaqstanda salyq salasyndaǵy EYDU standarttaryn engizý máseleleri talqylandy.
Anyqtama: 2012 jyly Qazaqstan Ashyqtyq jáne aqparat almasý jónindegi jahandyq forýmnyń múshesi boldy jáne búginde elimiz ashyqtyq pen aqparat almasý standarttaryn engizý boıynsha alqaly sholýdan ótýde.
2014 jyly Qazaqstan Salyq isteri boıynsha ózara ákimshilik kómek týraly konventsııaǵa qosyldy, onyń aıasynda salyq salasynda aqparatpen almasý jumystary júrgiziledi.
