Premer-Mınıstr elimizdiń barlyq aımaqtaryn sońǵy býyndaǵy baılanys túrlerimen qamtý tapsyrmasyn júktedi
Sońǵy kezde naryqta ınternetti damytýǵa baılanysty, elektrondyq baılanystyń jańa túrlerin engizý boıynsha jańa ónimder paıda bolǵanyna toqtalǵan Úkimet basshysy, «meniń oıymsha, búgin tanystyrylyp otyrǵan mobıldik WiMax jobasyn engizý, bizdiń qoǵamdy damytýdaǵy kezekti qadamdardyń biri. Men osyndaı jańa bastamalardyń barlyǵyn qoldaımyn», dedi.
«Elimizde 3G iske qosyldy, sondaı-aq ilki jobalyq rejımde tórtinshi býynnyń baılanysy júzege asyrylýda. Bul baılanys turaqty túrde qyzmet kórsetetin mezgil de alys emes. Osy ora ıda ár azamatta ınternetke qosylý úshin baılanystyń birqatar túrin paıdalaný múmkindigi bolady»,-dep atap ótti K. Másimov.
«Menińshe, bul atqarylyp jatqan sharalar Qazaqstandy alǵa jyljytýǵa múmkindik jasaıdy. Atap aıtqanda Táýelsizdik kúni sandyq telearnanyń jobasyn iske qosamyz. Bul sharalar óz kezeginde bizge alǵa qaraı taǵy bir kezekti qadamdy jasaýǵa múmkindik beredi. Onysyz bizdiń elimizdiń básekege qabilettiligi týraly aıtý qıyn bolar edi»,-dedi Úkimet basshysy.
Osy turǵyda Premer-Mınıstr bilim berýdegi básekege qabilettilikti arttyrý boıynsha úlken joba atqarylyp jatqandyǵyn jetkizdi. «Qazirgi kezde mektep oqýshylary úshin planshettik kompıýterlerdi engizýge baılanysty jumystardy istep jatyrmyz»,-dedi K. Másimov.
Úkimet basshysy sózin qorytyndylaı kele, bul sońǵy býyndy baılanys túrlerin tek Astana men Almatyda ornatýmen shektelmeı, elimizdiń barlyq oblys ortalyqtaryn qamtamasyz etý tapsyrmasyn júktedi. Sonymen qatar Úkimet basshysy Baılanys jáne aqparat mınıstri Asqar Jumaǵalıevke elimiz boıynsha kompıýterlik saýattylyqty arttyrý jumystaryn jalǵastyrýdy tapsyrdy.