Premer-Mınıstr «e-úkimetti» damytý jónindegi baǵdarlamany túzetýdi tapsyrdy
A. Qyrkúıektiń 21-i. QazAqparat /Ernur Aqanbaı/ - Búgin Baılanys jáne aqparat mınıstrliginde ótken Úkimettiń kóshpeli otyrysynda Premer-Mınıstr Kárim Másimov «e-úkimetti» damytý jónindegi baǵdarlamany túzetýdi tapsyrdy.
«Biz buǵan deıingi keńesterde elimizdegi aqparattyq salany damytý máselesin talqyladyq. Meniń oıymsha, bul elektrondy úkimetti damytýmen tikeleı baılanysty. Osy oraıda Qazaqstandaǵy LTI júıesin, keń jolaqty ınternetti damytý boıynsha usynymdar aıtqym keledi. Biz ártúrli nemese qandaı da bir planshetti kompıýterlerdi, ne bolmasa uıaly telefondardyń jańa túrlerin elimiz azamattary úshin qol jetimdi ete alamyz, olardy elektrondy úkimetke qalaı tuıyqtaı alamyz? Osy jaıly oılanyńyzdar», dedi K. Másimov.
Premer-Mınıstr: «Maǵan kelip-ketip jatqan keıbir áriptesterim planshetti kompıýter nemese qandaı da bir uıaly telefon arqyly óz úkimetin basqarýdy jalǵastyryp jatqanyn kórip júrmin. Osy jaıynda oılaný qajet jáne tıisti usynystardy eskere otyryp «e- úkimetti» damytý baǵdarlamasyna túzetýler engizý qajet», dedi.
