Premer-Mınıstr: Dári-dármekti artyǵymen alyp, shyǵynǵa ushyrap otyrmyz
ASTANA. QazAqparat - Úkimet otyrysynda QR Premer-Mınıstri Baqytjan Saǵyntaev tegin beriletin dári-dármektiń artyǵymen satyp alynýyn synǵa aldy, dep habarlaıdy QazAqparat tilshisi.
«Qazirgi ýaqytta dári-dármekterdi óte kóp mólsherde alyp júrmiz. ıAǵnı, shyn máninde qansha dári qajet ekendigin bilmeımiz. Artyq aqsha jumsap satyp alamyz da bárin qoımaǵa jınaımyz. Osylaısha, shyǵynyna ushyrap otyrmyz. Ár óńirge qajetti dári-dármek sanyn bilmeımiz. Qaı dárige, qaı aýrýhanadan, emhanadan ótinim qalaı tústi sol qalpynda qarastyramyz. Mine, Qyzylorda, Mańǵystaý oblysynyń halqy dári-dármektiń 50 protsentin ala almaı otyr, ıaǵnı dári-dármek artylyp qaldy. Oblystarda dári-dármek shyǵyny 1 mlrd teńgege deıin shyǵyp jatyr. Osy máseleni, Eljan Amantaıuly (Birtanov, QR Densaýlyq saqtaý mınıstri - avt.) muqııat qadaǵalańyz», - dep tapsyrdy Premer-Mınıstr Úkimet otyrysyn qorytyndylaý sózinde.
Sonymen birge, Baqytjan Saǵyntaev densaýlyq saqtaý qyzmetterin qaıta retteý máselelerine toqtaldy.
«Bıylǵy bes jyldyń qorytyndysy boıynsha, densaýlyq saqtaý salasynda SQO-da birde-bir jeke kásiporyn ashylmaǵan. Qaraǵandyda - 4, Aqmola - 8, Almaty oblysynda - 9, Pavlodarda - 15. Astanada - 90, Almatyda - 57, Túrkistan - 43 jeke kásiporyn jumys isteýde. Osyǵan ákimder kóńil bólýi kerek. Múmkindiktiń bári jasaldy, endi jańa jumys oryndary ashylýy kerek, - dedi Úkimet basshysy.
