Premer-Mınıstr: Bıýdjettik baǵdarlamalardyń qarajaty tolyq ıgerilmeı otyr
«Birqatar bıýdjettik baǵdarlamanyń ákimshileri bıýdjet qarajatyn tolyǵymen ıgermeı otyr. Osy baǵytta jumysty kúsheıtý qajet jáne qarjyny ýaqytynda ıgerýdi qamtamasyz etý kerek. Ekonomıkanyń turaqty ósimin qamtamasyz etý qajettiligin taǵy da bir ret atap ótkim keledi. Osy rette qolda bar áleýetti tıimdi qoldaný mańyzdy», - dedi Asqar Mamın.
Úkimet basshysy «Nurly jol», «Nurly jer», Indýstrıaldy-ınnovatsııalyq damý jáne basqa da salalardaǵy memlekettik baǵdarlamalardyń sapaly jáne tolyǵymen oryndalýyn qamtamasyz etý kerektigine nazar aýdartty.
«Osy baǵdarlamalardyń iske asyrylýynyń nátıjesinde ekonomıka damýyna serpin beriledi. Ortalyq jáne jergilikti memlekettik organdar ekonomıka ósiminiń qarqynyn arttyrýǵa barlyq kúsh-jigerdi jumsaýy kerek. Álıhan Ashanuly, bul máseleni baqylaýda ustańyz», - dedi Premer-Mınıstr óziniń birinshi orynbasary - Qarjy mınıstri Álıhan Smaıylovqa qarata aıtqan sózinde.
