Premer-Mınıstr: Bıznesti retteıtin aktiler qaıta qaralady

NUR-SULTAN. QazAqparat – Memlekettik organdardyń bıznesti retteıtin aktileri qaıta qaralady. QR Premer-Mınıstri Álıhan Smaıylov Úkimet otyrysynda osyndaı málimet aıtty, dep habarlaıdy QazAqparat tilshisi.

«Baǵalardyń ósýine jol bermeý úshin Úkimet Ulttyq bankpen jáne «Atameken» kásipkerlik palatasymen birlesip, ınflıatsııany baqylaý jáne tómendetý boıynsha jańa sharalar keshenin qabyldady jáne iske asyrýda. Osy jyly «Bıznestiń jol kartasy -2025» baǵdarlamasyn qarjylandyrý, onyń ishinde sýbsıdııalaý men kredıtterge kepildik berý ulǵaıtylady. Bızneske shamadan tys ákimshilik júktemeni joıý kózdelip otyr. Memlekettik organdardyń retteýshilik aktileri qaıta qaralady», -dedi Úkimet basshysy.

Sondaı-aq ol aýyldaǵy kásipkerlikti damytý baǵytyndaǵy sharalarǵa toqtaldy.

«Bıyl «Aýyl – el besigi» óńirlerdi damytýdyń keshendi josparlary jáne basqa da baǵdarlamalar aıasynda respýblıkalyq bıýdjetten qosymsha qarajat bólinedi», -dedi Álıhan Smaıylov.