Premer-Mınıstr Bıshimbaevqa sózden iske kóshýge buıyrdy
Ulttyq ekonomıka mınıstri Úkimet otyrysy barysynda básekelestikti qorǵaý salasyndaǵy memlekettik retteýdiń jańa tásilderi týraly baıandaǵan bolatyn, dep habarlaıdy QazAqparat.
Onyń aıtýynsha, Qazaqstanda EYDU-nyń standarttaryna sáıkes keletin monopolııaǵa qarsy zańnama bar, biraq básekelestiktiń deńgeıi tómen qalýda. Vedomstvo derekteri boıynsha sebepterdiń biri kóbinese básekelestiktiń bazalyq qaǵıdattaryna qaıshy keletin salalyq zańnama normalarymen baılanysty.
«Nátıjesinde, bazalyq naryqtarda básekelestiktiń zańdy negizderde damýy úshin jańa sýbektilerdiń kirýi úshin eńserilmeıtin ákimshilik, ekonomıkalyq, tehnıkalyq jáne basqa tosqaýyldar jasalǵan», - dedi mınıstr.
«Osy rette, salalardyń qurylymyn ózgertýge jáne básekelestikti damytýǵa baǵyttalǵan salalyq zańdarǵa ózgeshe «revızııa» júrgizý qajet. Sózsiz, bazalyq salalardyń reformalanýy talap etiletindikten, bul jumysty birtindep kerek. Bul básekelestik qaǵıdattaryna qaıshy keletin normalar men erejelerdi alyp tastaý ne qarapaıym retteýdiń transtparettiligi men ashyqtyǵyn qamtamasyz etý bolady. Qazaqstanda júk jáne jolaýshylar tasymaly, avıatasymaldar, elektr energetıkasy, kómir ónerkásibi, munaı ónimderin óńdeý jáne onymen jabdyqtaý jáne qant óndirisi sııaqty bazalyq naryqtarda 3-4 iri ústem qurylymdar áreket etedi. Tutastaı alǵanda, básekeles ortadaǵy aǵymdaǵy jaǵdaıdy naryqtardyń saqtalatyn olıgopolııalyq qurylymy retinde sıpattaýǵa bolady», - dep habarlady Bıshimbaev.
«Jalpy mınıstr óziniń baıandamasynda barlyq máseleni qamtyǵan, biraq maǵan onda «múmkin ýaqyty keldi» degen sóz unamaı otyr. Bul sózden sestenip otyrmyn. Sizderdiń mınıstrlik mańyzdy birdeńe atqarady ma, joq pa? Oılanbaı, áreket etý kerek», - dedi Saǵyntaev Úkimet otyrysy barysynda.
«Memleket basshysy ashyq básekelestikti damytýdy, antımonopolııalyq organnyń quzyryn kúsheıtýdi tapsyrdy. Ol jasaldy. Sizge barlyq quzyr berildi. Sizder búgin Qazaqstanda EYDU-nyń standarttaryna sáıkes keletin monopolııaǵa qarsy zańnama bar ekendigin habarladyńyzdar. Onda iske kirisińizder. Kómir boıynsha problema bar dep bizge anyq nárselerdi aıtyp otyrsyz. Búgin ǵana bildińiz ba?! Ol baıaǵyda belgili bolǵan nárse. Nege jumys istemeısizder, nege áreket etpeısizder. Elektr energııasynan osyndaı jaǵdaı ekenin jańa bildińizder me?! Onyń barlyǵy qalaı satyp alynatynyn, qalaı ótkiziletindigin adamdar biledi», - dedi Saǵyntaev.
