Premer-Mınıstr Baıqońyr ǵarysh aılaǵynyń múlikterin ınventarızatsııalaýdy aıaqtaýdy tapsyrdy
ASTANA. Aqpannyń 2-si. QazAqparat - Premer-Mınıstr Kárim Másimov Ulttyq ǵarysh agenttigine Baıqońyr ǵarysh aılaǵynyń múlikterin ınventarızatsııalaýdy aıaqtaýdy tapsyrdy. Ol bul tapsyrmany «Qazǵarysh» agenttiginiń búgingi keńeıtilgen alqa májilisinde berdi,
dep habarlaıdy QazAqparat.
«Qazir ınventarızatsııa júrýde. Biz menshigimizde qandaı dúnıelerdiń baryn jáne odan ári qalaı jumys isteý kerektigin aıqyn túsinýimiz úshin Sizder Qarjy mınıstrligimen birlesip osy jumysty aıaǵyna deıin jetkizýge tıissizder», dedi alqada K. Másimov.
Óz kezeginde Ulttyq ǵarysh agenttiginiń tóraǵasy Talǵat Musabaev Memleket basshysynyń 2008 jylǵy naýryzdyń 4-de bergen «Baıqońyr» ǵarysh aılaǵyn birtindep Qazaqstanǵa qaıtarýǵa qatysty tapsyrmasynyń salany damytýda uzaqmerzimdi mańyzy baryn atap ótti.
