Premer-Mınıstr: Baǵany ákimshilik retteýden áleýmettik osal toptardy qoldaýǵa kóshý qajet
«Azyq-túlik taýarlarynyń naqty qoljetimdi bolýy, dúkender men bazarlarda jetkilikti kólemde bolýy basty mindet bolýy tıis. Jospar aýyl sharýashylyǵy óndirisiniń kólemin ulǵaıtýǵa baǵyttalyp otyr.
Onda negizinen egis alqaptaryn ártaraptandyrý, mal sharýashylyǵyn keshendi damytý, jańa ınvestıtsııalyq jobalardy iske asyrý, saqtaý men logısıtıka ınfraqurylymyn damytý jumystary qamtylǵan», - degen Úkimet basshysy naryqty azyq-túlikpen qamtamasyz etý óndiris pen tutyný balansyn eskere otyryp júrgizilýi kerektigin eskertti.
«Bul esepteýler baǵany turaqtandyrý jónindegi basqa da naryqtyq mehanızmdermen birge azyq-túlik taýarlaryn qoljetimdi qylýǵa negiz bolady. Baǵany retteýdiń qoldanystaǵy mehanızmderiniń tıimdiligin baǵalaý kerek.
Sondaı-aq, baǵalardy ákimshilik retteýden halyqtyń áleýmettik osal toptaryn ataýly kómekpen qoldaýǵa kóshý úshin usynystar daıyndaý qajet», - dedi Álıhan Smaıylov.
