Premer-Mınıstr azyq-túlik taýarlarynyń baǵasy boıynsha máseleni zerdelýdi tarsyrdy
ANA. 25 qańtar. QazAqparat /Rýslan Ǵabbasov/ - Úkimet basshysy Kárim Másimov Básekelestikti qorǵaý agenttigine, Aýyl sharýashylyǵy,
Ekonomıkalyq damý jáne saýda mınıstrlikterine azyq-túlik taýarlaryna baǵanyń qalyptasýy men azyq-túlik qaýipsizdigi máselesin tyńǵylyqty baqylaýda ustaýdy tapsyrdy. Bundaı tapsyrmany Premer-Mınıstr búgin Úkimet otyrysy barysynda júktedi.
Úkimet basshysy, atap aıtqanda Batys Qazaqstan, Ońtústik Qazaqstan oblystaryndaǵy baǵa máselesin qarastyrý kerek ekenin aıtty.
Bul máseleni únemi nazarda ustaý kerektigine toqtalǵan K. Másimov: «Jalpy sebeptermen monopolıster, domınanttar ózderiniń jaǵdaıyn paıdalana bastaıdy»,- dedi. Osy oraıda Premer-Mınıstr birinshi orynbasary Ómirzaq Shókeevke azyq-túlik máselesin qatań baqylaýda ustaýdy tapsyrdy. Aqpan aıynda azyq-túlik qaýipsizdigi men ondaǵy baǵany qalyptastyrý sharalary boıynsha Úkimette arnaıy selektorlyq keńes ótedi.
