Premer-Mınıstr «Azyq-túlik korporatsııasy» jumysyn qaıta qurýdy tapsyrdy
«Búgingi tańda jalpy syıymdylyǵy 2 mln tonnaǵa jýyq kókónister men jemisterdi saqtaıtyn 1 200-den astam nysan bar. Bul – jetkiliksiz. Olardyń kóbi ábden eskirgen. Jańa kókónis qoımalary qajet. Fermerler Biryńǵaı memlekettik sýbsıdııalaý aqparattyq júıesine shaǵym aıtýda. Bul saladaǵy óndiriske teris áserin tıgizýi múmkin», - dedi Álıhan Smaıylov Úkimettiń búgingi otyrysynda.
Premer-Mınıstr azyq-túlik qaýipsizdigin qamtamasyz etý jospary boıynsha jumysty jalǵastyrýdy tapsyrdy.
«Aýyl sharýashylyǵy mınıstrligi Saýda mınıstrligimen jáne óńir ákimdikterimen birlesip, naryqtyń naqty qajettiligin eskerip, Jańa kókónis qoımalaryn salý jáne qoldanystaǵy qoımalardy jańǵyrtý boıynsha keshendi jospardy ózektendirýi qajet. Aýyl sharýashylyǵy mınıstrligi óńir ákimdikterimen birlesip, barynsha qysqa merzimde sýbsıdııalaý onlaın-platformasynyń tıisti jumysyn qamtamasyz etýi kerek. Saýda jáne ıntegratsııa mınıstrligi jergilikti atqarýshy organdarmen, «Qazaqstan temir joly» kompanııasymen birlesip, maýsym aıynyń sońyna deıin áleýmettik mańyzy bar azyq-túliktiń qajetti ónimderin satyp alýdy, onyń ishinde kórshi elderden ákelýdi qamtamasyz etsin», - dedi Á. Smaıylov.
Sondaı-aq, Aýyl sharýashylyǵy mınıstrligine «Azyq-túlik korporatsııasy» jumysyn elimizdiń azyq-túlik qaýipsizdigin jáne áleýmettik mańyzy bar azyq-túlik taýarlarynyń baǵasyn turaqtandyrýǵa baǵyttaı otyryp, qaıta qurý tapsyrmasy berildi.
Buǵan deıin Álıhan Smaıylov azyq-túlik qymbattamaý úshin qandaı sharalar qolǵa alynǵanyn aıtqan edi.
