Premer-Mınıstr azyq-túlik qaýipsizdigi men jer resýrstaryn tıimdi paıdalaný máselesi boıynsha birqatar tapsyrmalar berdi

«Elbasy óz sózinde agraralyq sektordyń damýyna, azyq-túlik qaýipsizdiginiń básekelestikti qorǵaýǵa, jer resýrstaryn tıimdi paıdalaný máselesine mańyzdy basymdyq berdi. Osy toptamadaǵy tıisti sharalardy Úkimet basshysynyń orynbasary Ómirzaq Shókeev qadaǵalaıtyn bolady»,-dedi K. Másimov.

Osy oraıda Premer-Mınıstr Ekonomıkalyq damý jáne saýda mınıstrligine, Aýyl sharýashylyǵy mınıstrligine, Básekelestikti qorǵaý agenttigine, sondaı-aq óńir ákimderine azyq-túlik ónimderi baǵasynyń turaqtylyǵyn qamtamasyz etýdi tapsyrdy.

Sondaı-aq Aýyl sharýashylyǵy mınıstrligine 30 sáýirge deıin otandyq azyq-túlik taýarlarynyń básekege qabilettiligin arttyrý boıynsha tıisti usynystar jasaý júkteldi. Munymen qosa Ó. Shókeev Jer resýrstary agenttigi jáne oblys ákimderimen aýyl sharýashylyǵy maqsatyndaǵy jerlerdi túgendeý sharalaryn ótkizedi.

Sonymen qatar K. Másimov jergilikti ózin-ózi basqarýdy damytý turǵysynda Ekonomıkalyq damý jáne saýda mınıstrligine Ádilet mınıstrligimen birlese otyryp, Memlekettik qyzmet isteri agenttigimen, ákimdermen tıisti keshendi sharalardy ázirleý máselesin tapsyrdy.