Premer-Mınıstr: Azyq-túlik baǵasyn tikeleı Úkimet rettemeýi kerek

NUR-SULTAN. QazAqparat – QR Premer-Mınıstri Álıhan Smaıylov eldegi áleýmettik mańyzy bar taýarlardyń baǵasyn retteýge qatysty memlekettik saıasatty túsindirip berdi, dep habarlaıdy QazAqparat tilshisi.

Elordada ótip jatqan «Atameken» ulttyq kásipkerler palatasynyń kezekten tys ІH sezinde halyq jıi tutynatyn taýarlardyń baǵasyn retteý, turaqtandyrý máselesi kóterildi.

«Ulttyq palata men bıznes halyqtyń áleýmettik osal toptaryna kómek kórsetý kerektigimen kelisedi. Biraq, azyq-túliktiń baǵasyn ákimshilik jolmen ustaý, máseleni sheshýdiń oń joly emes. ıAǵnı baǵany retteýde ony arzandata túsý qymbatshylyq problemasyn sheshpeıdi», - dedi «Atameken» UKP-nyń basqarma múshesi Erbol Óstemirov sezde sóılegen sózinde.

Onyń aıtýynsha, mundaı jaǵdaıda kásipkerge baǵany túsirýden góri, taýardy óndirýden bas tartý ońaıǵa túsedi.

«Bıznes qaýymdastyq áleýmettik mańyzy bar taýarlardyń baǵasyn tikeleı retteýden bas tartýdy suraıdy. Bólshek saýdadaǵy baǵa naryq retteýi tıis», - deıdi ol.

Atalǵan máselege qatysty Úkimet basshysy Álıhan Smaıylov pikir bildirdi.

«Men kelisemin, baǵany tikeleı Úkimet rettemeýi kerek. Bizde ótken jyly qabyldanǵan zań bar. Oǵan sáıkes Úkimet saýda marjasynyń tek 15%-ǵa baqylaý júrgize alady. Biz tek sol zań normalarynyń oryndalýyn baqylaıtyn bolamyz», - dep jaýap berdi Premer-Mınıstr.