Premer-Mınıstr aıtysker aqyn Aqmaral Leýbaevaǵa altyn bilezik syılady
ALMATY. 24 mamyr. QazAqparat /Erlik Erjanuly/ - Keshe Almatydaǵy Muhtar Áýezov atyndaǵy memlekettik akademııalyq drama teatrynda aqyn,sazger, ánshi Aqmaral Leýbaevanyń «Perishte emes, pendemiz» dep atalatyn shyǵarmashylyq keshi ótti.
Mereıtoı ıesine Úkimet basshysy altyn bilezik tartý ettti. Kárim Qajymuqanulynyń bul sálemdemesin aqynǵa "Zańǵar" shyǵarmashylyq birlestiginiń tóraǵasy Aıdar Qyryqbaev tabys etti. Onda sondaı-aq Ońtústik Qazaqstan oblysynyń ákiminiń temir tulpary, Báıdibek aýdany ákiminiń sáıgúligi tartý etildi.
Óner keshinde aıtysker aqyndar Amanjol Áltaev pen Aıbek Qalıev A. Leýbekovaǵa arnaýlaryn tolǵady. Aqbota Kerimbekova, Beıbit Seıdýálıeva, Roza Álqoja sııaqty ónerpazdar kesh ıesiniń sózine jazylǵan ánderdi oryndady. Sondaı-aq Aqmaral alǵash ret óziniń "Taǵdyr" degen ánin aıtyp, kórermenge otty jyrlaryn shashý qyp shashty.
