Premer-Mınıstr: Aýyz sý jobalaryn aıaqtaý isinde shıkilik kóp

ASTANA. QazAqparat – Aqmola oblysy sý tazartý qurylystaryn 10 jyldan beri aıaqtaı almaı keledi. Premer-Mınıstr Álıhan Smaıylov Úkimet otyrysynda osyndaı málimet aıtty, dep habarlaıdy QazAqparat tilshisi.

«Keı óńirlerde sý tazartý qurylystaryn salý jumystary sozylyp ketti. Aqmola oblysynda bul jumys 10 jyldan beri bitpeı keledi. Іzdestirý-barlaý jumystary da ýaqytynda bastalǵan joq. Qaraǵandy oblysynda konkýrstyq rásimder endi ǵana ótkizilip jatyr.

«Saqaldy» qurylysqa aınalǵan aýyz sý jobalaryn aıaqtaý isinde de shıkilik kóp», - degen Álıhan Smaıylov birneshe mysal keltirdi.

«Munyń aıqyn mysaly retinde Ulytaý oblysyndaǵy Esqula sý qubyryn, Qyzylorda oblysyndaǵy Talap sý qubyryn, Soltústik Qazaqstan oblysyndaǵy Presnov sý qubyry men Sokolov sý qubyrynyń 2-shi kezeńin aıtýǵa bolady.

Sonyń kesirinen 220 myńǵa jýyq adam sapaly sýǵa qol jetkize almaı otyr», - dedi Úkimet basshysy.