Premer-Mınıstr aýyl sharýashylyq mańyzyndaǵy jerlerdi ınventarızatsııalaýdy aıaqtaýdy tapsyrdy
A. Qańtardyń 20-sy. QazAqparat /Ernur Aqanbaı/ - Premer-Mınıstr Kárim Másimov Jer resýrstaryn basqarý agenttigine aýyl sharýashylyq mańyzdaǵy jerlerdi ınventarızatsııalaýdy aıaqtaýdy tapsyrdy.
Ol bul tapsyrmany atalmysh Agenttiktiń búgingi keńeıtilgen alqa májilisinde berdi, dep habarlaıdy QazAqparat.
Osy oraıda, bul máseleniń mańyzdylyǵyna toqtalǵan Úkimet basshysy Premer-Mınıstrdiń Keńsesine, Jer resýrstaryn basqarý agenttiginiń basshylyǵyna oblys ákimderimen birlesip taıaý ýaqytta osy taqyrypty qaýzaıtyn arnaıy selektorlyq keńes daıyndaýdy tapsyrdy.
«Onda osy jumystyń qalaı oryndalyp jatqandyǵy jóninde oblys ákimderi túgeldeı esep berýleri tıis», dedi K. Másimov. Premer-Mınıstrdiń pikirinshe, aýyl sharýashylyǵy mańyzyndaǵy jerler ınventarızatsııalanbaıynsha, sondaı-aq ol jóninde aqparat tolyq bolmaıynsha, keleshekte jer qatynastary boıynsha durys sheshim qabyldaý óte qıynǵa soǵady.
