Premer-Mınıstr: Aýyl balalaryn qosymsha bilimmen qamtýdy ulǵaıtý kerek

NUR-SULTAN. QazAqparat –QR Premer-Mınıstri Álıhan Smaıylov aýyl balalaryn qosymsha bilimmen qamtýdy ulǵaıtýdy tapsyrdy, dep habarlaıdy QazAqparat tilshisi.

«Oqý-aǵartý mınıstrligi múddeli memlekettik organdarmen birlesip, «Jaıly mektep» ulttyq jobasyn pysyqtaý boıynsha barlyq sharalardy qabyldaýy tıis. Ony «Bilimdi Últ» ulttyq jobasymen jedel úılestirý qajet. Jalpy, «Bilimdi Últ» ulttyq jobasynyń josparlanǵan barlyq kórsetkishterine qol jetkizýi kerek», - dedi Álıhan Smaıylov Úkimet otyrysynda.

Sonymen qatar Premer-Mınıstr mektepke deıingi uıymdar qyzmetiniń sapasyn arttyrý úshin Oqý-aǵartý mınıstrligine bıylǵy 1-shi qarashaǵa deıin mektepke deıingi uıymdardy lıtsenzııalaý máselelerin pysyqtaýdy tapsyrdy.

«Oqý-aǵartý mınıstrligi Mádenıet jáne sport mınıstrligimen, óńir ákimdikterimen birlesip, aýyldyq jerlerde balalardy qosymsha bilimmen qamtýdy ulǵaıtsyn», - dedi Úkimet basshysy.

Foto: t.me/KZgovernment