Premer-Mınıstr Astanadaǵy Ulttyq bıotehnologııalyq ortalyqqa barady
ASTANA. 23 shilde. QazAqparat - 24 shildede Premer-Mınıstr Serik Ahmetov Astanada salynyp jatqan Ulttyq bıotehnologııalyq ortalyqqa barady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«1993 jyly Qazaqstan Prezıdentiniń Jarlyǵymen qurylǵan aldyńǵy qatarly qazaqstandyq bıologııalyq ǵylymı ortalyqtyń basty maqsaty - bıotehnologııalyq salanyń damýy men ony qoldaýdaǵy memlekettik saıasatty iske asyrý jáne bıotehnologııa, bıologııalyq qaýipsizdik pen ekologııa salasynda memleket qarjylandyratyn ǵylymı-tehnıkalyq baǵdarlamardy úılestirý. Jalpy, bizdiń el Gendi-ınjenerlik qyzmetti memlekettik retteýge jáne eldegi gendik-modıfıkatsııalanǵan organızmderdiń naryqtaǵy aınalymyna erekshe nazar aýdaratynyn atap ótkim keledi»,-dedi resmı ókil.
