Premer-Mınıstr: Astana ınvestıtsııa úshin aıtarlyqtaı perspektıvaly múmkindikter ashady
Búgin VI Astana ekonomıkalyq forýmy aıasynda ótip jatqan «Astana Invest-2013» ІV Halyqaralyq ınvestıtsııalyq forýmy barysynda QR Premer-Mınıstri Serik Ahmetov osylaı málim etti.
«Astanada bútkil qoǵam ómiriniń barlyq máseleleri talqylanatyn shynaıy dıalog alańy qalyptasty. Eń birinshi kezekte bul memleketter ekonomıkasyna baılanysty máseleler ekeni aıqyn. Al Astana ekonomıkalyq forýmy aıasynda jasalatyn usynystar álbette kóptegen memleketterge jetedi. Óıtkeni, munda álemniń 100-den astam memleket ókilderi qatysyp otyr», - degen Úkimet basshysy forým jumysyna jemis tiledi.
«Elimizdiń jas Astanasy búgingi Qazaqstannyń biregeı ózgeristeriniń progresine aınaldy. Elorda búkil elimizdiń ekonomıkalyq damýyna qýatty serpin berip otyr. Memleket basshysynyń qoldaýy arqasynda qala iri saıası-ekonomıkalyq ortalyq qana emes, óńirdegi asa mańyzdy halyqaralyq oqıǵalar ortalyǵyna aınaldy. Sondyqtan da Astana ınvestıtsııa úshin aıtarlyqtaı múmkindikter ashady», - dedi S. Ahmetov.
