Premer-Mınıstr Arystaǵy mektepke bardy

ARYS. QazAqparat - QR Premer-Mınıstri Asqar Mamın Arys qalasyndaǵy 300 oryndyq mektepke bardy, dep habarlaıdy QazAqparat tilshisi.

Úkimet basshysy bas suqqan bilim oshaǵy 300 balaǵa shaqtalǵan. Aýmaǵy 2,5 gektardy alyp jatqan mektepte 115 adam jumys isteıdi. Onyń 42-si kishi personalǵa jatady. Premer-Mınıstrge bilim oshaǵynyń qysta dızelmen jylytylatyny aıtyldy.

Sondaı-aq, Asqar Mamın «Kóktem-2» shaǵyn aýdanyndaǵy 3 kópqabatty úıdi qalpyna keltirý jumystarymen tanysty. Byltyr ǵana «Nurly jer» baǵdarlamasy boıynsha boı kótergen úshqabatty úılerden 108 páter jarylys kezinde búlingen bolatyn. Jóndeý jumystaryna Pavlodar oblysynan kelgen 100 jumysshy tartylǵan.