Premer-Mınıstr arnaıy ekonomıkalyq aımaqtardyń kýratorlaryn bekitti

Belgili bolǵandaı, búginde birqatar AEA-lardyń kýratorlary aıqyndalmaǵan. «Nelikten «Ońtústik» AEA-nyń kýratory ári jaýapty tulǵasy áli aıqyndalmaǵan?», - dep qoıǵan Úkimet basshysynyń saýalyna mınıstr Á.Isekeshev atalǵan aımaq boıynsha bul jumystar tamyzdyń aıaǵyna deıin aıaqtalatynyn jetkizdi. Osy oraıda Úkimet basshysy bul máseleni tamyzdyń aıaǵyna deıin sozýdyń qajeti joq ekenin atap ótti. «Búgin men ekonomıka jáne bıýdjettik josparlaý mınıstri E. Dosaevqa «Ońtústik» AEA boıynsha jaýapty ári kýrator mindetin júkteımin»,- dedi S. Ahmetov.

Sonymen qatar Premer-Mınıstr «Saryarqa» AEA boıynsha kýrator retinde Indýstrııa jáne jańa tehgnologııalar mınıstri Á.Isekeshevti atady. Buǵan qosa «Aqtaý teńiz porty» AEA-ǵa Indýstrııa jáne jańa tehnologııalar birinshi vıtse-mınıstri A. Raýdy kýrator retinde taǵaıyndaý máselesi qarastyrylatyndyǵy belgili boldy.