Premer-Mınıstr AÓK ónimderin óndirýge jekemenshik sharýashylyqtardy tartýdy tapsyrdy

ASTANA. QazAqparat - QR Premer-Mınıstri Kárim Másimov Qyzylorda oblysy sharýa qojalyqtarynyń jetekshilerimen ózekti máselelerdi talqylady. Kezdesýde basty másele aýyldyq jerlerde jumyspen qamtýdy arttyrý sharalaryn talqylaý boldy, dep habarlady Úkimet basshysynyń Pm.kz remı saıty.

K.Másimov aıtyp ótkendeı, qazirgi kezde memleket, ásirese, aýyldyq jerlerde jumyspen qamtýdy belsendirý úshin birqatar sharalardy qolǵa alýda.

Ol sonymen qatar búgingi kúnde aýyldyq jerlerdegi ózin-ózi jumyspen qamtyǵan turǵyndar sany 1,5 mln adamǵa jýyqtaǵanyn atap ótti.  

Premer-Mınıstr jekemenshik qosalqy sharýashylyqtardyń áleýetin jumyspen qamtýǵa tartýdy tapsyrdy. Aýyl sharýashylyǵy kooperatıvteri qosymsha jún tútip, teri ıleýmen, kókónis ósirýmen, ara sharýashylyǵymen, qus ósirý otbasylyq kásibimen, taýarlyq balyq ósirýmen aınalysa alady.