Premer-Mınıstr Almatydaǵy metro stantsııalarynyń qurylysyn aıaqtaýdy tapsyrdy

ALMATY. QazAqparat - QR Premer-Mınıstri Asqar Mamın Almaty qalasyna jumys sapary aıasynda qalalyq metropolıtenniń damý barysyn tekserdi. Bul týraly QazAqparat Úkimettiń baspasóz qyzmetine silteme jasap habarlaıdy.

Qazirgi tańda metropolıtenniń birinshi jelisiniń jumys istep turǵan 9 metro stantsııasyna qosymsha «Saryarqa», «Dostyq» jáne «Qalqaman» stantsııalary salynyp jatyr, bul jeliniń jalpy uzyndyǵyn 10,3 shaqyrymnan 15,9 shaqyrymǵa deıin, al jolaýshylar aǵynyn táýligine 46 myńnan 93 myń adamǵa deıin arttyrady.

Osy jyldyń sońyna deıin «Saryarqa» jáne «Dostyq» stantsııalarynda qurylys-montajdaý jumystaryn aıaqtap, tehnıkalyq iske qosý josparlanǵan. 2022 jyldyń I toqsanynyń sońyna deıin iske qosý-retteý jumystaryn aıaqtaý jáne stantsııalardy paıdalanýǵa berý kózdelgen. «Qalqaman» stantsııasynda qurylys-montajdaý jumystary bastaldy.

Úkimet basshysy Almaty metropolıteniniń birinshi jelisiniń II kezegin damytý boıynsha josparlanǵan barlyq jumystardyń ýaqytyly jáne sapaly aıaqtalýyn qamtamasyz etýdi tapsyrdy.