Premer-Mınıstr Almatyda «Alataý» aqparattyq tehnologııalar parki» arnaıy ekonomıkalyq aımaǵynda boldy
ALMATY. Qyrkúıektiń 15-i. QazAqparat /Qanat Qulshymanov/ -Búgin, qyrkúıektiń 15-inde QR Premer-Mınıstri Kárim Másimov Almaty qalasyndaǵy «Alataý» aqparattyq tehnologııalar parki» arnaıy ekonomıkalyq aımaǵynda (ATP AEA) boldy.
Úkimet basshysy park aýmaǵynda júzege asyrylyp jatqan aqparattyq, ınnovatsııalyq tehnologııalar salasyndaǵy jumys istep turǵan jáne josparlanǵan jobalarmen tanysty.
Sondaı-aq ınnovatsııalyq qor dırektorlar keńesiniń tóraıymy Zarına Aslanova K.Másimovke Parkti damytý tujyrymdamasyn tanystyrdy. «Biz búginde «Alataý» ATP AEA tıimdiligin arttyrý rezervterin izdeýdiń úsh baǵyty bar ekenin kórip otyrmyz», dedi Z.AAslanova.
Atap aıtqanda, ol parkti basqarý júıesin ózgertý, ınfraqurylymyn odan ári damytý qajettigin jáne «Alataý» ATP-ny ulttyq ınnovatsııalyq jobaǵa qaıta qurylymdaý qajettigin aıtty.
«Park aımaqtyq ınnovatsııalyq hab bolýy tıis. Biz jańa álemdik tehnologııalarǵa beıimdelip qana qoımaı, óz jobalarymyzdy jasaýǵa tıispiz. Park qazaqstandyq kompanııalardyń jergilikti jáne sheteldik naryqtarǵa shyǵatyn núktesi bolýy qajet», - dedi tóraıym.
Óz kezeginde Premer-Mınıstr bir aı ishinde partktiń ınfraqurylymdyq jáne ınjenerlik máselelerin sheshýdi, ındýstrııa jáne jańa tehnologııalar mınıstrligine Keden odaǵy men qoldanystaǵy zańnamalardy eskere otyryp, salyq salý bóliginde ATP-ny damytý tujyrymdamasyna tolyqtyrýlar engizýdi tapsyrdy.
Sonymen qatar, K.Másimov Eńbek jáne halyqty áleýmettik qorǵaý mınıstrligine, Indýstrııa jáne jańa tehnologııalar mınıstrligine jáne Іshki ister mınıstrligine parkte jumys isteýi úshin sheteldik mamandardy tartý jóninde usynystar daıyndaýdy, al Syrtqy ister mınıstrligine olar úshin erekshe vızalyq rejım qarastyrýdy tapsyrdy.
«Sóıtip, bizde ýnıversıtet (park aýmaǵyndaǵy halyqaralyq ІT tehnologııalar ýnıversıteti), áleýetti kadrlar paıda bolady, biz áleýetti jeńildikter jıyntyǵyn beremiz, ınfraqurylymdyq máselelerdi sheshemiz jáne memlekettik tapsyrys bar. Al eger odan básekege qabiletti ónim shyǵara almasaq, quny kók tıyn bolǵany. Biz memleket retinde, osyndaı kásiporyndardyń paıda bolǵanyn yntalandyrýymyz kerek», - dedi K.Másimov.
«Meniń oıymsha, Almaty osyndaı jobalar úshin bizdiń aımaqtaǵy eń qolaıly qala. Men bizdiń qolymyzdan keletinine senemin, biz sizdermen birge osyny isteı alamyz», - dep qosty Premer.
«Sizderge qazannyń 15-ine deıin ýaqyt beremin, osy kezeńde búgin kóterilgen máselelerdi sheshý úshin Astanada bas qosamyz», - dep sózin qorytyndylady ol.
ATP AEA Almaty qalasynan 25 shaqyrym jerdegi Tıan-Shan taýynyń eteginde 163 gektar jerde ornalasqan. Qazirgi kúni negizgi qyzmet túrlerin júzege asyryp otyrǵan AEA qatysýshylary - 24 kompanııa.
