Premer-Mınıstr Aı-92 markaly benzınniń baǵasyn ósirmeı ustap turýdy tapsyrdy

Reseıden qajetti kólemde ashyq tústi jaǵarmaı túrlerin tasymaldaý máselesine toqtalǵan QR Munaı jáne gaz mınıstri Uzaqbaı Qarabalın, «Aı-92 markaly benzın tıisti kólemdi óndirilmegendikten, osy munaı ónim túrin de syrttan jetkizemiz. Búginde respýblıkadaǵy munaı-gaz bazalarynda Aı-92 markaly benzınniń qory 244 myń tonna, Aı-80 benzıni 86 myń tonna, sondaı-aq dızel otynynyń kólemi 300 myń tonnaǵa jýyq. Eger biz baǵany ósirmesek, bul jaǵarmaı kólemi 45 kúnge jetip qalady»,-dedi.

Osyǵan baılanysty mınıstr AI-92 benzınine baǵany ustap turǵanymen, onyń qory taýsylǵannan keıin osy markaly jaǵarmaıdyń tapshylyǵy týyndaıtynyn aıtty.

Óz kezeginde Úkimet basshysy mınıstrlik pen Tabıǵı monopolııalardy retteý agenttigimen birlese 1,5 aıdyń ishinde qor taýsylǵansha AI-92 benzınine baǵany ósirmeý úshin barlyq sharalardy qabyldaýdy tapsyrdy.

Bul turǵyda S. Ahmetov jaǵarmaı quıý stansalarynda baǵa negizsiz kóterilgen jaǵdaıda olar tıisti jaýapkershilikke tartylatynyn atap ótti.