Premer-Mınıstr 3 G baılanysynyń standarttaryn engizý úshin radıojıilikterdiń jolaqtaryn kelisýdi tapsyrdy
ASTANA. Qarashanyń 10-y. QazAqparat /Rýslan Ǵabbasov/ - Búgin Úkimet otyrysy barysynda Premer-Mınıstr Kárim Másimov Qorǵanys mınıstrligine qarashanyń 20-syna deıin 3 G úshinshi býynnyń mobıldi baılanysynyń standarttaryn engizý úshin radıojıilikterdiń jolaqtaryn kelisýdi tapsyrdy,
dep habarlaıdy QazAqparat.
«Jıilik resýrsy bul da memleketimizdiń dáýleti sanalady. Ony jer qoınaýymen salystyrýǵa bolady», dedi K. Másimov. Osyǵan baılanysty Úkimet basshysy bul baǵyttaǵy jumystardy jandandyrý sharalaryn ilgeriletý kerektigin aıtyp ótti.
Óz kezeginde Aqparattandyrý jáne baılanys agenttiginiń tórǵasy Qýanyshbek Esekeev, QR Qorǵanys mınıstrligi radıojıilikterdiń 95 paıyzyn ıemdenip otyrǵanyn, mysal retinde Anglııanyń qorǵanys vedomstvosynyń úlesinde jıilikterdiń 30 paıyzy ǵana bar ekenin jetkizdi.
3 G - bul úshinshi býynnyń mobıldi baılanys tehnologııasy. TMD elderiniń ishinde 3G qyzmetin Reseı, Armenııa, Ózbekstan jáne Tájikstan paıdalanady.
