Premer-lıgada «Tobyl» ekinshi márte jeńiske jetti

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 2-týry ekinshi oıyn kúninde «Kaspıı» men «Tobyl» komandalary kezdesti, dep habarlaıdy QazAqparat tilshisi.

Birinshi kezeńde komandalar alma-kezek shabýylǵa kóńil bóldi. Degenmen dittegen maqsatyna jete almaı jatty.

Kóptegen sátterde aqtaýlyq fýtbolshylardyń belsendiligi baıqalyp turdy.

Ekinshi kezeńde oıynshylar gol soǵatyn múmkindik izdedi.

Oıynnyń 96-mınýtynda qostanaılyq klýbtan Serj Deble gol soqty.

Osylaısha «Tobyl» qarsylasynan 1:0 esebimen basym tústi. Nátıjesinde birinshiliktegi ekinshi jeńisine qol jetkizdi.

Endi «Atyraý» men «Qaısar», «Qyzyljar» men «Maqtaral» komandalary kezdesedi.

Atalǵan týrda 9 naýryzda syrt alańda «Astana» «Jetisýdy» 2:0, «Ordabasy» «Shahterdi» 4:1, «Qaırat» «Aqsýdy» 3:1 esebimen súrindirdi.

Al «Aqtóbe» óz alańynda «Oqjetpesten» 5:1 esebimen basym tústi.