Premer-lıgada oınaıtyn fýtbol komandamyz bolady - Túrkistan oblysynyń ákimi
TÚRKІSTAN. QazAqparat - Qazaqstannyń fýtboldan Premer-lıgasy Túrkistan komandasymen tolyǵady. Bul týraly Túrkistan oblysynyń ákimi Ómirzaq Shókeev aıtty, dep habarlaıdy QazAqparat tilshisi.
Ortalyq kommýnıkatsııalar qyzmeti alańynda ótken baspasóz máslıhatynda oblys basshysyna: «Qazaqstannyń Premer-lıgasynda Túrkistan oblysynyń jeke fýtbol komandasy bola ma?» degen saýal qoıylǵan edi.
«Árıne bolady. Mundaı stadıon salynǵannan keıin Premer-lıgada komanda bolýy kerek. Qazirgi ýaqytta birinshi lıgada úsh komandamyz bar. Úsheýi de joǵary satyda júr - «Qyran», «Arys», «Maqtaaral» komandalary. «Qyran» - 2, «Arys» - 3, al «Maqtaaral» komandasy 4-orynda tur. Qazir bizde osylardyń arasynan qurastyryp, Premer-lıgada oınaıtyn bir komanda shyǵaramyz degen oıymyz bar. Sonymen aınalysyp jatyrmyz», - dedi Ómirzaq Shókeev.
