Premer-lıga: «Ordabasy» «Astanadan» segiz upaıǵa uzap ketti

ASTANA. QazAqparat – Búgin fýtboldan premer-lıga komandalary arasyndaǵy el birinshiliginiń 20-týry máresine jetti, dep habarlaıdy QazAqparat tilshisi.

Atalǵan týrdy Shymkentte jergilikti «Ordabasy» men Almatynyń «Qaıraty» qorytyndylady.

Kezdesý barysynda komandalar gol soǵatyn múmkindikti izdedi. Shymkenttik klýb jıi shabýyl uıymdastyrdy. Oǵan almatylyq qorǵaýshylar laıyqty tótep bere bildi.

Oıynnyń 76-mınýtynda «Qaırat» qaqpasyna belgilengen penaltıdi Ashat Taǵybergen soǵa alǵan joq.

Match taǵdyryn sheshken goldy «Ordabasy» oıynshysy Bernardo Matıch 96-mınýtta soǵyp ketti.

Osylaısha shymkenttik komanda qarsylasynan 1:0 esebimen basym tústi.

Eske salaıyq, bas júldeden taǵy bir úmitker komanda «Astana» elordada «Qaısarmen» 1:1 esebimen teń tústi.

Nátıjesinde «Ordabasy» komandasy týrnır kestesinde «Astanadan» segiz upaıǵa uzap ketti. Shymkentik klýbtyń enshisinde 48 upaı bar. Oǵan qosa elordalyq komandaǵa bir oıyndy kem ótkizgen.

Sondaı-aq, dál osyndaı esep «Aqtóbe» men «Tobyl» kezdesýinde tirkeldi.

Taǵy bir kezdesýde «Jetisý» «Maqtaaralǵa» 0:1 esebimen jeńilip qaldy.

Aıta ketsek, 19 tamyzda «Shahter» «Oqjetpesten» 2:0, «Aqsý» «Atyraýdan» 4:1 esebimen basym tússe, «Kaspıı» «Qyzyljarǵa» 1:2 esebimen jol berdi.