Premer-lıga klýbtarynyń jasóspirim komandalary arasynda el chempıonatynyń 1-shi týry bastaldy
ALMATY. 9 sáýir. QazAqparat - Almatyda 10, 12 jáne 14 sáýir kúnderi «Qaırat» fýtbol klýbynyń stadıonynda QR Premer-lıga klýbtarynyń 1995 jylǵy jasóspirim komandalary arasyndaǵy QR chempıonatynyń aldyn ala kezeńiniń 1-shi týr oıyndary ótedi.
Onda «qaırattyń» jas aıaqdopshylarynyń qarsylastary Atyraýdyń «Atyraý», Taldyqorǵannyń «Jetisý», Óskemenniń «Shyǵys» komandalary bolmaq. Al olardyń 1996, 1998 jylǵy izbasarlary Taldyqorǵanda, 1997 jáne 1999 jyldary týǵandardyń qos komandasy Atyraýda alǵashqy oıyndaryn ótkizedi.
Byltyr 1994 jylǵylar arasynda 1-3 oryndy «Jetisý», «Taraz», «Ertis» (Pavlodar) komandalary sáıkesinshe ıelengen bolatyn. Al 1995 jylǵylar arasynda «qaırattyqtar» jeńimpaz atanyp, «Ordabasy» (Shymkent), «Ertis» júldeger boldy. 1996 jylǵylar arasynda «Tarazdyqtar» chempıon atanyp, almatylyqtar («Qaırat») men oraldyqtar («Aqjaıyq») 2-3 oryndy bólisti. Al 1997 jylǵylar arasynda «Qaırat», «Aqtóbe», «Taraz», 1998 jyly týǵandar arasynda «Qaırat», «Shahter» «Aqtóbe» úzdikter qatarynan kóringen edi.
