Premer-lıga klýbtarynyń arasyndaǵy kezdesýlerdiń qorytyndysy boıynsha tarazdyqtar alda keledi
ASTANA. 2 sáýir. QazAqparat - Qazaqstannyń 7 qalasynda Premer-lıga klýbtarynyń arasyndaǵy Qazaqstan Respýblıkasy chempıonatynyń 4-shi kezeńiniń kezdesýleri ótti.
«Taraz» óz alańynda «Aqtóbe» komandasyn 1:0 esebimen jeńip, tórtinshi ret jeńiske jetti. Osylaısha tarazdyqtar ázirge barlyq kezdesýlerinde basym túsken jalǵyz komanda bolyp otyr.
Sondaı-aq osy jarys aıasynda Astanada ótken qaraǵandylyq «Shahter» men taldyqorǵandyq vıtse-chempıon «Jetisý» komandalary arasyndaǵy kezdesýde jeńis 5:1 esebimen qaraǵandylyqtarǵa buıyrdy. «Qaırat» pen «Astana» komandalarynyń arasyndaǵy kezdesý de tartysty ótti. «Qaırattyń» qaqpasyna jaýapsyz eki dop soqqan astanalyqtardyń mereıi ústem boldy.
