Premer-lıga: «Qaısar» «Qyzyljardan» jeńilip qaldy

ASTANA. QazAqparat – Fýtboldan Premer-lıga komandalary arasyndaǵy el birinshiliginiń 1-týryn Qyzylordada jergilikti «Qaısar» men Petropavldyń «Qyzyljar» komandalary túıindedi, dep habarlaıdy QazAqparat tilshisi.

Qyzylordalyq klýb byltyr birinshi lıgada ekinshi oryn alyp, Premer-lıgaǵa berilgen joldamaǵa qol jetkizdi. Jańa maýsymǵa daıyndyq barysynda komanda quramyna kóptegen jańa oıynshylar qosyldy. Bas bapker qyzmetine reseılik belgili bapker Vıktor Kýmykov shaqyrtyldy.

Oıynnyń alǵashqy mınýttarynda petropavldyq komandanyń basymdyǵy baıqalyp turdy. Nátıjesinde 19-mınýtta Rafael Sabıno esep ashyp ketti. Alań ıeleri tarazy basyn teńestirýge umtyldy. Birinshi kezeńde tablodaǵy esep ózgerissiz qaldy.

Ekinshi kezeńde komandalar alma-kezek shabýylǵa kóshti. Oıynshylar dittegen maqsatyna jete almaı jatty.

Match nátıjesinde «Qaısar» qarsylasyna 0:1 esebimen ese jiberdi.

Aıta ketsek, 4 naýryzda el birinshiliginiń alǵashqy týrynda «Ordabasy» óz alańynda «Kaspııden», «Tobyl» «Aqsýdan», «Astana» «Shahterden» basym túsken bolatyn. Al syrt alańda «Oqjetpes» «Maqtaaraldy», «Aqtóbe» «Jetisýdy» súrindirdi.

Endi ekinshi týr oıyndary 9 jáne 10 naýryz kúnderi ótkiziledi.