Premer-lıga: «Qaırat» jańa maýsymdy jeńispen bastady
NUR-SULTAN. QazAqparat - Almatynyń «Qaıraty» jańa maýsymdy jeńispen bastady, dep habarlaıdy QazAqparat tilshisi.
Aıta ketsek, búgin fýtboldan Premer-lıga komandalary arasyndaǵy Qazaqstan birinshiligi birinshi týrynyń ekinshi oıyn kúni ótip jatyr.
Almatynyń «Qaıraty» óz alańynda «Aqtóbe» komandasyn qabyldady.
Birinshi kezeńde esep ashylǵan joq. Ekinshi kezeńde almatylyq shabýylshy Hose Kante 67-mınýtta penaltıden esep ashsa, 83-mınýtta taǵy bir márte mergendik tanytty.
Osylaısha «Qaırat» qarsylasynan 2:0 esebimen basym tústi. Jańa maýsymdy jeńispen bastap, týrnır kestesinde kósh basyna shyqty.
Eske salsaq, 5 naýryzda alǵashqy týrdyń shymyldyǵyn ashqan «Ordabasy» (Shymkent) - «Maqtaral» (Túrkistan oblysy) komandalary arasyndaǵy oıynda 1:1 esebi tirkeldi.
Al «Astana» (Nur-Sultan) men «Shahter» (Qaraǵandy), «Atyraý» men «Aqsý» (Pavlodar oblysy), «Turan» (Túrkistan) men «Taraz» oıyndarynda komandalar 0:0 esebine qanaǵat bildirdi.
Sondaı-aq, «Kaspıı» (Aqtaý) men «Qyzyljar» (Petropavl) kezdesýinde aqtaýlyq klýb 1:0 esebimen basym tústi.
Dál qazir «Tobyl» (Qostanaı) men «Aqjaıyq» (Oral) kezdesýiniń birinshi kezeńi aıaqtaldy. Ázirge esep - 0:0.
Endi ekinshi týr oıyndary 10 jáne 11 naýryz kúnderi ótkiziledi.
