Premer-lıga: elordada «Astana» komandasy «Aqtóbeden» oısyraı jeńildi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 3-týrynda elordalyq «Astana» jeńilip qaldy, dep habarlaıdy QazAqparat tilshisi.

Elordalyq klýb óz alańynda «Aqtóbe» komandasyn qabyldady. Oıyn barysynda aqtóbelik komandadan Maksım Samorodov 18, Andrııa Fılıpovıch 40, 51-mınýttarda mergendik tanytty. Oǵan elordalyq Abzal Beısebekov 78-mınýtta bir golmen jaýap qaıyrdy.

Oıynnyń 91-mınýtynda aqtóbelik klýbtan Abylaıhan Jumabek qorytyndy esepti belgiledi.

Osylaısha «Astana» qarsylasyna 1:4 esebimen jol berdi.

Búgingi taǵy bir kezdesýde qyzylordalyq «Qaısar» óz alańynda Pavlodar oblysynyń «Aqsý» komandasymen sheberlik baıqasty. Oıynnyń birinshi kezeńinde «Qaısar» sapynan Valerıı Prındeta 4, Goran Mıloıko 45, «Aqsý» sapynan Braıan 10, Mıras Turlybek 20-mınýtta gol soqty.

Komandalar 2:2 esebine qanaǵat bildirdi.

Aıta ketsek, Shymkenttiń «Ordabasy «Jetisýdy» 2:0, Tobyl» «Shahterdi» 2:1 esebimen «Qaırat» «Kaspııdi» 3:1 esebimen tize búktirdi.

Endi 15 naýryzda «Maqtaral» men «Atyraý», «Oqjetpes» pen «Qyzyljar» oınaıdy.

Eske salsaq, alǵashqy eki týrdan keıin «Ordabasy» komandasy kósh bastap tur.