Premer-lıga: «Astana» óz alańynda «Qaısarmen» kezdesti

ASTANA. QazAqparat - Búgin fýtboldan premer-lıga komandalary arasyndaǵy el birinshiliginiń 20-týrynda elordalyq «Astana» Qyzylordanyń «Qaısarymen» teń tústi, dep habarlaıdy QazAqparat tilshisi.

Sońǵy eki týrda elordalyq komanda bir oıynda teń túsip, bireýinde qarsylasyna ese jiberdi. Chempıondyqqa úmitker ujym úshin bul týrnır kestesinde óz qıyndyǵyn alyp keldi. Saldarynan bas júldege umtylyp júrgen «Ordabasydan» týrnır kestesinde alty upaıǵa qalyp qoıǵan edi. Sondyqtan búgingi kezdesýde elordalyq komanda jeńiske jetýge bar kúshin salatyny belgili boldy.

Dese de, «Astananyń» bas bapkeri Grıgorıı Babaıan alǵashqy mınýttan negizgi quramǵa ózgerister engizdi. Birinshi kezeńde esep ashylǵan joq. Qyzylordalyq klýb alań ıelerine laıyqty tótep bere bildi.

Ekinshi kezeńde elordalyq komanda quramyna tyń oıynshylar qosyldy. Nátıjesinde 68-mınýtta Tımýr Dosmaǵambetov óz múmkindigin múlt jibergen joq.

Komandalar 1:1 esebine qanaǵat bildirdi.

Búgin taǵy bir kezdesýde «Jetisý» «Maqtaaralǵa» 0:1 esebimen jeńilip qaldy.

Dál qazir «Aqtóbe» men «Tobyl» kezdesý ótip jatyr. Alǵashqy kezeńnen keıin qostanaılyq komanda 1:0 esebimen basym túsýde.

Al 20.00-de «Ordabasy» men «Qaırat» kezdesýi bastaldy. Ázirge esep - 0:0.

Aıta ketsek,19 tamyzda «Shahter» «Oqjetpesten» 2:0, «Aqsý» «Atyraýdy» 4:1 esebimen jeńse, «Kaspıı» «Qyzyljarǵa» 1:2 esebimen jol berdi.