Premer-lıga: «Astana», «Qaırat» ekinshi ret jeńiske jetti
ASTANA. QazAqparat - Búgin elimizdiń alty qalasynda fýtboldan Premer-lıga komandalary arasyndaǵy el birinshiliginiń ekinshi týr oıyndary bolyp ótti, dep habarlaıdy QazAqparat tilshisi.
Budan buryn alǵashqy úsh oıynnyń nátıjesi týraly habarlaǵan bolatynbyz. Olardan keıin taǵy da úsh kezdesý ótkizildi.
Almatyda «Qaırat» ekinshi jeńisine qol jetkizdi. Bul joly Qaraǵandynyń «Shahterinen» basym tústi. Esep 2:1. «Qaırat» sapynan Marton Eppel 28, Vıacheslav Shvyrev 76-mınýtta gol soqsa, oǵan «Shahter» oıynshysy Sergeı Zenev 81-mınýtta jalǵyz golmen ajýap qaıyrdy.
Elordada «Astana» Kókshetaýdyń «Oqjetpesinen» 2:1 esebimen basym tústi. Bul oıynda «Astana» sapynan Romelo ıAnga 59, Ivan Maevskıı 72-mınýtta mergendik tanytty. «Oqjetpes» oıynshysy Artem Dmıtrıev 70-mınýtta gol soqty.
El birinshiliginde Qazaqstan quramasynyń Eýropa birinshiligi irikteý kezeńindegi oıyndaryna baılanysty azdaǵan úzilis bolady. Al 30 naýryzda úshinshi týr oıyndary ótkiziledi. Bul kúni «Aqtóbe» men «Qaırat», «Oqjetpes» pen «Ordabasy», «Shahter» men «Tobyl», «Jetisý» men «Astana», «Ertis» pen «Qaısar», «Taraz» ben «Atyraý» kezdesedi.
Eske salsaq, buǵan deıin, Qostanaıdyń «Tobyly» taǵy da jeńiske jetkeni týraly jazǵan edik.
