Premer eki mınıstrdi jumys tásilin ózgertýge shaqyrdy
ASTANA. QazAqparat - Búgin Úkimet otyrysynda QR Premer-Mınıstri Baqytjan Saǵyntaev QR Prezıdenti Nursultan Nazarbaevtyń tapsyrmalaryna salǵyrt qaraǵan eki mınıstr - Baqyt Sultanov pen Qýandyq Bıshimbaevty synǵa aldy.
«9 qyrkúıekte Memleket basshysy mınıstrlikter men ákimdikterge baǵynyshty barlyq uıymdarǵa túgendeý júrgizýdi tapsyrdy. Keshe men Qarjy jáne Ulttyq ekonomıka mınıstrlerimen sóılestim. Olardyń bul máselege kirispegendikterine tań qaldym. Jyl sońyna deıin zerdeleý boıynsha jumys tobyn qurý josparlarynda bar eken. Bir aı ótti. Sizder tipti kirispegensizder de. Erteń suraý bolady, sonda biz ne dep jaýap beremiz? Sondyqtan, men Qarjy jáne Ulttyq ekonomıka mınıstrleriniń Memleket basshysy tapsyrmalaryn oryndaý boıynsha jumystardy nashar uıymdastyrǵanyn atap ótemin. Bul jumystarda ózderińizdiń ádisterińizdi ózgertýlerińiz qajet», - dedi Saǵyntaev.
Aıta keteıik, 9 qyrkúıekte ótken Úkimettiń keńeıtilgen otyrysynda QR Prezıdenti mınıstrlikter men vedomstvolardyń vedomstvoǵa baǵynysty uıymdaryn básekelik ortaǵa berý nemese jergilikti deńgeıge beıimdeý maqsatymen olardy qaıta múlikti túgendeý ótkizý qajettigin atap ótken bolatyn.
