Premer Densaýlyq mınıstrligine otandyq medıtsına jetistikteriniń aqparattyq nasıhattalýyn kúsheıtýdi júktedi
ASTANA. 20 tamyz. QazAqparat - Densaýlyq saqtaý mınıstrligi otandyq medıtsına jetistikterin aqparattyq nasıhattaýdy kúsheıtýi qajet.
Bul týraly búgin Úkimettiń selektorlyq rejimdegi otyrysynda QR Premer-Mınıstri Serik Ahmetov aıtty.
Sońǵy ýaqytta elimizdiń densaýlyq saqtaý salasynda az jumys atqarylmaǵandyǵyn, kardıohırýrgııa, transplantologııa, kóliktik medıtsına qarqyndy damyp kele jatqandyǵyn basa aıtqan S.Ahmetov: «Ákimderden tikushaqtardyń ushyp-qoný alańdarymen baılanysty máselege tyńǵylyqty qaraýdy suraımyn», - dedi.
Úkimet basshysynyń atap ótýinshe, elimizde skrınıngtik baǵdarlama engizilip, qazirgi ýaqytta tıimdi jumys isteýde. Kepildendirilgen tegin medıtsınalyq kómek kóleminiń tizbesi keńeıgen.
«Degenmen, medıtsınalyq qyzmet sapasyna jaqsartý baǵytynda jumys isteý qajet. Bul jaıynda birneshe ret aıttyq ta. Medıtsına qyzmetkerleriniń kásibı biliktiligin arttyrý kerek. Densaýlyq saqtaý mınıstrligi aqparattyq jumystardy kúsheıtýi tıis. BAQ arqyly qajetti jańashyldyq, jalpy otandyq medıtsınanyń jetistikteri týraly habarlaýy qajet», - dedi S.Ahmetov.
