Praımerızdiń maqsaty - ádildikti basshylyqqa ala otyryp, shynaıy tańdaý jasaý – Mahambet Dosmuhambetov
«Nur Otan» partııacynyń Atyraý oblystyq fılıalynyń tóraǵasy, oblys ákimi M.J.Dosmuhambetovtiń partııaishiliq irikteý – praımerız ótkizýdiń bastalýyna baılanysty jasaǵan úndeýinde osylaı deıdi.
«Qurmetti atyraýlyqtar! «Nur Otan» partııacy qoǵamnyń tilek-talabymen sanasa otyryp, zamanǵa saı damýdy únemi basty nazarda ustaıdy. Bul rette Táýelsizdik tarıhynda alǵash ret partııaishilik saılaý ıaǵnı praımerız ótkizýdi qolǵa aldy. Bul jańashyldyqty Elbasy, Partııa Tóraǵasy N.Nazarbaevtyń ózi «qaıta jańǵyrýdyń» basty kezeńi retinde baǵalaǵan bolatyn. Elimizdiń belgili saıasatttanyshýlary men belsendi azamattary men ozyq oıly jastary da bul jańashyldyqty qýana quptaýda. Partııanyń bul bastamasy Qazaqstannyń sony serpinmen damýyna múmkindik bereri sózsiz.
Partııaishilik saılaý shyn máninde árbir azamat úshin — naqty áleýmettik lıft ekeni aıqyn. Bul - tyń usynystar men jańa oılardyń iriktelip, qoǵam qazanynda qaınaǵan myqtylarǵa óz joba-josparyn júzege asyrýǵa beriletin ádiletti joldama ispetti.
Praımerızdiń negizgi maqsaty - ádildikti basshylyqqa ala otyryp, shynaıy tańdaý jasaý. ıAǵnı naǵyz kóshbasshy azamattardyń iriktelip shyǵyp, elge qyzmet etýine barynsha jol ashý. Olaı deıtinimiz, Praımerızdiń Erejesine sáıkes, qoǵamnyń árbir áleýmettik tobyna ıaǵnı árbir azamatqa múmkindik usynylady.
Ókinishke qaraı, koronavırýstyń qaýpi áli de bar. Sondyqtan partııaishilik saılaý qaýipsizdikke baılanysty jańa tehnologııalardyń áleýetin negizge ala otyryp ótkiziledi»,-delingen Úndeýde.
Sondaı-aq onda Atyraý oblysynda Praımerızdi daıyndaý jáne ótkizý maqsatynda 1 oblystyq jáne 8 aýmaqtyq uıymdastyrý komıteti qurylǵandyǵy aıtylǵan. Olar búginnen bastap Praımerızge qatysqysy keletinderge keńes berý jáne ótinishterdi qabyldaý boıynsha jumysyn bastady. Daýys berýdi uıymdastyrý jáne ótkizý, onyń qorytyndylaryn shyǵarý maqsatynda 8 aýmaqtyq jáne 84 ýchaskelik esep komıssııalary jasaqtaldy.
Oblystyq jáne Atyraý qalalyq, aýdandyq partııa fılıaldary boıynsha praımerızdi daıyndaý men ótkizý is-sharalar josparlary bekitilip, Call-ortalyqtar iske qosyldy.
«Atyraý oblysy boıynsha bul mańyzdy naýqanǵa qatysqaly otyrǵan barlyq úmitkerge sáttilik tileımin! Eldiń erteńi jarqyn bolýy úshin jarǵaq qulaǵy jastyqqa tımeı júrgen, óńirimizdiń gúldenýine óz úlesin qosýǵa nıetti, bir sózben oblysymyzdyń naǵyz memleketshil turǵyndarynyń barlyǵyn praımerızge qatysyp, baq synaýǵa shaqyramyn»,-deıdi oblys basshysy Úndeýinde.
