Praımerız: Jetisýlyqtar saılaýaldy baǵdarlama jobasyna 400-ge jýyq usynys bildirdi
7 qyrkúıekten bastaý alǵan partııaishilik irikteýdiń úgit-nasıhattyq jumysynda qatysýshy úmitkerler turǵyndardan 400-ge jýyq usynys tilekterin jınap úlgerdi.
Jol, aýyz sý, elektr jaryǵy, sapaly bilim berýmen densaýlyq saqtaý júıesine ózgerister engizý syndy ózekti máselelerden quralǵan jetisýlyqtardyń amanatyn aldaǵy ýaqytta úmitkerler aýdan-qalalyq saılaýaldy baǵdarlama jobasyna tolyqtyrý engizýdi josparlap otyr.
Óńirde usynys bildirgen aýdandar qatarynda Qarasaı, Alakól, Talǵar aýdanymen, Taldyqorǵan qalasy kósh bastap, ár qaıysynda 30-dan asa usynys tilekter túsken. Sonymen qatar, praımerız týraly aýdan-qalalardan 33 usynys, jalpy partııa jaıynda 4 usynys kelip túsken.
Saılaýaldy baǵdarlama arqyly qoǵamnyń túrli salasyndaǵy máselelerdiń sheshilýin qozǵaǵan partııalyqtar qazirgi tańda jer-jerlerde kezdesýler ótkizip, jobany túsindirip ótip, 44 myńnan astam adamdy qamtyp otyr. Atalǵan kezdesýler odan ári jalǵasyn tappaq.
Esterińizge sala ketsek, «Nur Otan» partııasy 17-tamyz ben 3-qazan aralyǵynda partııa ishilik irikteý – praımerız ótkizýde. Oǵan Almaty oblysynan 1090 úmitker qatysýda.