Praımerız: Jetisýda saılaýshylardyń 81% daýys berip úlgerdi
Elimizde praımerız kandıdattaryna daýys berý 1 qazanda bastaldy. Statıstıkalyq málimetke júginsek, respýblıka boıynsha 3 qazandaǵy aqparǵa saı 12:30-ke deıin daýys bergender jóninen Almaty oblysy kósh bastap tur. Jetisý óńirinen 67 033 (81,9%) «Nur Otan» partııasynyń múshesi daýys bergen. Ekinshi orynda Túrkistan oblysy jaıǵassa, Qaraǵandy oblysy úzdik úshtikti túıindegen. El boıynsha daýys bergenderdiń sany 531 332 astam adam (3 qazandaǵy 12.00 saǵ. málimet).
Esterińizge sala keteıik, Almaty oblysynda jalpy 81840 partııa múshesi bar. Olar 1047 kandıdatqa daýys bermek. Daýys berý 1-3 qazan aralyǵyn qamtıdy jáne onlaın rejımde mobıldi qosymsha, primaries.kz veb-portaly arqyly júrgiziledi. Onlaın daýys berýge múmkindigi joq partııa músheleri 3 qazanda saǵat 8.00-den 14.00-ge deıin dástúrli daýys berýge qatysady. Daýys berýshiler saǵat 08.00-den 14.00-ge deıin daýys berý ýchaskelerine kelip, daýys berýge múmkindik bar. Daýys berý ýchaskelerinde onlaın kabınalar jáne ınternet baılanysy tómen eldimeken turǵyndary qaǵaz bıýlletender arqyly ótkizilmek.
