Praımerız: SQO-da 600-den astam adam debatqa qatysyp jatyr
«Nur Otan» SQO fılıaly baspasóz qyzmetiniń málimetinshe, úmitkerler pikirsaıys barysynda ózekti máselelerdi talqylady. Sonyń ishinde bılik pen halyq arasynda keri baılanys ornatý, joldardy jóndeý, azamattardyń azyq-túlik sebetin jaqsartý, bıznesti, densaýlyq saqtaý, bilim berý salalaryn damytý bar.
Alǵashqy jaryssóz 14 qyrkúıekte oblys ortalyǵynda ótti. Pikirsaıystyń bastapqy kúninde tikeleı efırdi 1 myńǵa jýyq adam kórdi.
Eń kóp pikirtalasty «Nur Otan» partııasy Petropavl qalalyq fılıalynyń qatysýshylary ótkizedi. 114 kandıdat 20 topqa bólinip, jaryssózge qatysady.
Pikirsaıys eki raýndta ótedi: birinshi raýndta úmitkerler ózderiniń saılaý aldyndaǵy baǵdarlamalarymen tanystyrady, al ekinshi raýndta «suraq-jaýap» sessııasyna qatysady.
Aıta keteıik, keıbir úmitkerler birqatar sebep boıynsha óz kandıdatýralaryn alyp tastady. Biri – jeke basynyń problemasyna baılanysty praımerızge qatysa almaıtyn bolsa, endi biri – basqa aımaqqa qonys aýdarǵan.
«Qatysýshylardyń árqaısysynyń óz saılaýaldy baǵdarlamasy daıyn. Úgit-nasıhat jumystarynyń barysy týraly olar uıymdastyrý komıtetin habardar etedi, materıaldardy www.primaries.kz saıtta nemese arnaıy mobıldi qosymshada ornalastyrady. Onymen elimizdiń kez kelgen partııa múshesi tanysa alady. Eger bireý pikirtalasqa qatysqysy kelmese, uıymdastyrý komıteti ony jarystan shyǵarady», - deıdi partııanyń qalalyq fılıaly tóraǵasynyń birinshi orynbasary Keńes Muqyshev.
Pikirsaıys onlaın daýys berý bastalardan bir kún buryn – 30 qyrkúıekte aıaqtalady.
