Praımerız sharasynyń ózge azamattarǵa bereri ne: «Nur Otan» hatshysy 5 suraqqa jaýap berdi
«Nur Otan» partııasynyń jumysy men praımerız tóńireginde buqaralyq aqparat quraldary men áleýmettik jelilerde jaryq kórip jatqan pikirtalastardy baqylap otyrmyn. Sonyń barysynda týyndap jatqan túrli oılar men pikirler az emes. Sondyqtan keıbir máselelerdi túsindire ketkendi jón kórdim»,-deı kele Álibek Áldeneı praımerız sharasyna qatysty oıyn bylaısha órbitedi:
BІRІNShІ. Merziminen buryn parlament saılaýyn ótkizý yqtımaldyǵy týraly. Túrli «boljamdarǵa» qaramastan, bul jerde barlyq másele anyq. Byltyrǵy tamyzda Elbasy, partııa tóraǵasy Nursultan Nazarbaev «Saılaý konstıtýtsııalyq merzimde ótetinin» naqty atap ótken.
«Qazaqstan Respýblıkasyndaǵy saılaý týraly» Konstıtýtsııalyq zańǵa sáıkes (85-bap, 2-t.) kezekti saılaýdy Respýblıka Prezıdenti Májilis depýtattary ókilettigi merziminiń bitýinen keminde bes aı buryn belgileıdi jáne ol eki aıdan keshiktirilmeı ótkiziledi. Al, altynshy shaqyrylymnyń ókilettilik merzimi 2021 jyldyń naýryzynda aıaqtalatynyn esterińizge sala keteıin.
EKІNShІ. Praımerızge qatysty. Qazirgi kezde 10 myńnan astam qazaqstandyq oǵan qatysýǵa tilek bildirip, tıisti ótinishterin tapsyrdy. Elimiz boıynsha «Nur Otan»-nyń partııalyq tizimderine 1 orynǵa 4 adamnan keletin ortasha koeffıtsıent bar. Al qatysýǵa usyný kezeńi 28 tamyzda aıaqtalady. Barlyq qajetti aqparat primaries.kz veb-portalynda ornalastyrylǵan.
Áleýmettik jelilerde «Nur Otan» partııasy praımerıziniń qarjylandyrý kózderi týraly da saýal jıi kezdesedi. Bul shara memlekettik bıýdjet esebinen ótkizilip jatqany jaıly da pikirler aıtylyp júr.
Túsindire keteıin, praımerız – partııaishilik saılaý. Osyǵan oraı, uıymdastyrý shyǵyndary partııanyń óz qarjysy, sonyń ishinde múshelik jarna esebinen jabylady. Óz kezeginde úmitkerlerdiń úgit-nasıhat naýqany tek olardyń óz esebinen júrgiziledi.
ÚShІNShІ. Praımerız protsedýralarynyń ashyqtyǵy men ádildigine kúmán keltirýge qatysty. Praımerız – partııamyzdy «qaıta jandandyrý» baǵdarlamasy baǵyttarynyń biri. Biz partııaishilik saılaýdyń ashyq jáne básekelestik negizde, barlyq qatysýshyǵa teń múmkindik berilip, erejeniń qatań saqtala otyryp ótkenine múddelimiz. Partııalyq tizimge shynaıy qoǵamdyq qoldaýǵa ıe ári qajetti kásibı biliktiligi bar azamattardyń kirgeni mańyzdy.
Ákimshilik jáne ózge de aralasý yqtımaldyǵyna jol bermeıtin tetikter jasalǵan. «Praımerız» aqparattyq júıesi onlaın formatta «qupııa daýys berý» prıntsıpin qamtamasyz etedi.
Ereje buzylǵany nemese falsıfıkatsııa anyqtalǵan jaǵdaıda, tipti daýys berý nátıjesin joqqa shyǵarýǵa deıingi tıisti sharalar qabyldanady. Bul ókilettilik barlyq aımaqtarda óziniń jergilikti komıssııalary bar Partııalyq baqylaý komıtetiniń quzyrynda. Sonymen qatar, syrttaı «Nur Otan» jaqtastary Lıgasy baqylaý jasaıdy.
TÓRTІNShІ. Kópshilikti saıası partııalardyń tizimindegi tulǵalar emes, tek qana saılaýaldy baǵdarlama qyzyqtyrady degen pikir bar. Buǵan kelispeımin.
Partııa – eń aldymen, ortaq maqsattar men mindetterdiń, qundylyqtar men jaýapkershiliktiń mańynda birikken adamdar. Partııanyń ortalyqtaǵy jáne óńirlerdegi saılaýaldy baǵdarlamalaryna olardyń osy ıdeıalary, kózqarastary men jobalary ózek bolady.
Proportsıonaldy saılaý júıesi aıasynda azamattardy da, ıdeıalardy da básekelestik negizde partııa ishinde irikteýdiń barynsha tıimdi tetigi, tıisinshe, osy praımerız. Biz jergilikti jerdegi saılaýshylar jaqsy biletin jáne senim artyp óz daýysyn beretin naqty ókilderdiń tizimin qalyptastyramyz. ıAǵnı bular – saılaýaldy ýádesin iske asyrýǵa jaýapty kóshbasshylar.
Elbasy, «Nur Otan» partııasynyń Tóraǵasy Nursultan Ábishuly Nazarbaev, jýyrda jasaǵan úndeýinde de tap osy týraly aıtty. Partııa óz isiniń sheberlerin, el taǵdyryna alańdaıtyn tulǵalardy, sheshim qabyldaı alatyn jáne konstrýktıvti usynystar jasaı alatyn jańa azamattardy bılikke usynatyn qaınar kóz bolýy tıis. Shyntýaıtynda, osynyń bári partııany «qaıta jandandyrý» baǵdarlamasy sheńberinde kózdelgen «Myqty lıderler – Myqty partııa» tujyrymdamasyn iske asyrýǵa baǵyttalǵan.
BESІNShІ. Áleýmettik jelilerdiń keıbir qoldanýshylary «eger «Nur Otan» praımerızine tek partııa músheleri ǵana qatysatyn bolsa, onda Qazaqstannyń ózge azamattaryna olardan ne paıda keledi?» deıtin saýal qoıady.
Osy tusta taǵy da kelesi máselege nazar aýdartqym keledi. Partııa naqty «áleýmettik lıftti», saıası ambıtsııalardy, ıdeıalar men jobalardy júzege asyrý úshin múmkindik usynady. Kez kelgen adam óziniń saıası kózqarasyna, múddesi men qalaýyna baılanysty saıası uıymdy tańdaýǵa quqyly.
«Nur Otan» partııasy barshaǵa ashyq.
Qosylyńyzdar, praımerızge qatysyńyzdar!
