Praımerız – isker jáne patrıot azamattar úshin jańa múmkindik - Ońdasyn Orazalın
«Ómir ózgeristerden turady. Máńgilik eshteńe joq. Búgingi kún, erteńgi tarıh. Osyndaı oıdy adamzat balasy san ǵasyrlar boıy aıtyp keledi. Tek sony durys uǵyna bilmek kerek. Abaısha aıtatyn bolsaq, «Adam ata-anadan týǵanda esti bolmaıdy: estip, kórip, ustap, tatyp eskerse, dúnıedegi jaqsy, jamandy tanıdydaǵy, sondaıdan bilgeni, kórgeni kóp bolǵan adam bilimdi bolady». ıAǵnı búgingi bizdiń saıası ómirimizde bolyp jatqan ózgeristerdi jatsynbaı qabyldap, belsene kirisý, árbir kózi qaraqty jannyń erteńgi urpaq aldyndaǵy paryzy. Elimizdiń partııalyq-saıası damý tarıhynda tuńǵysh ret uıymdastyrylyp otyrǵan «Nur Otan» partııasynyń praımerızine kandıdattardy usyný jáne tirkeý kezeńi 17 tamyzdan bastalǵan. Partııa usynǵan osy múmkindikti aqtóbelikter de jiberip almaýy kerek. Óıtkeni bul - elimizdiń damýyna úles qosatyn jańa tolqynǵa, isker jáne patrıot azamattarǵa jańa «áleýmettik saty» ispetti», - dedi «Nur Otan» partııasy Aqtóbe oblystyq fılıalynyń tóraǵasy, Aqtóbe oblysynyń ákimi Ońdasyn Orazalın.
Óńir basshysy óz sózinde jobanyń múmkindikterin túsindirip, jastarǵa tıimdi jolyn túsindirdi.
«Praımerız – bul qoǵamdaǵy demokratııalyq ózgeristerdi yntalandyratyn partııa bastamalarynyń biri. Onyń maqsaty – Parlament májilisindegi jáne máslıhattaǵy tıimdi depýtattyq korpýsty odan ári qalyptastyrý, partııalyq jeli boıynsha ilgeriletý, olardy memlekettik organdardaǵy laýazymdarǵa usyný úshin básekelestik kúres negizinde myqty kóshbasshylardy anyqtaý. Bul mehanızmdi júzege asyrýda barsha sheteldik ozyq tájirıbeler eskerilgen. Biregeıligi – daýys berýdiń onlaın-formatta ótetindiginde. ıAǵnı, áleýmettik jelilermen saýatty jumys istep, neǵurlym belsendi bolǵan kandıdattyń soǵurlym taza, ádil daýys jınaý yqtımaldyǵy joǵary.
Zamanaýı tásil qarapaıym azamattardyń sheshimder qabyldaýǵa tikeleı yqpal etýine múmkindik beredi. Eń aldymen, oblysymyzdy damytý boıynsha kóptegen máselelerdi qarastyrýǵa jol ashady. Sondyqtan praımerız halyqpen keri baılanysty jańa deńgeıge kótere otyryp, partııaǵa myqty kóshbasshylardy toptastyratynyna senimdimin. Endeshe, óz kúshine senimdi, eline paıdasyn tıgizýdi qalaıtyn árbir kózi ashyq aqtóbelik azamattardy praımerızge belsendi qatysýǵa shaqyramyn», - dedi O.Orazalın.
