Praımerız: daýys berýshiler sany jaǵynan Almaty kósh bastap keledi

ALMATY. QazAqparat – Praımerızde daýys berýdiń alǵashqy kúnniń nátıjesi boıynsha Almaty kósh bastap keledi, dep habarlaıdy QazAqparat tilshisi.

«Nur Otan» partııasynyń Almaty bólimshesiniń baspasóz qyzmetiniń habarlaýynsha, qalanyń 8 aýdanynda 13 myń partııa múshesi daýys bergen.

Bul Nur-Sultan men Shymkent qalalarymen salystyrǵanda anaǵurlym joǵary kórsetkish.

Aıta ketý kerek, Almaty qalalyq fılıalynda 58721 partııa múshesi bar. Onyń ishinde aqparattyq júıede 52929 partııa múshesi tirkelgen.

Partııa músheleriniń basym kópshiligi Bostandyq aýdanynda turady. Al Medeý aýdanynda eń kóp, ıaǵnı 45 partııa múshesi praımerızge qatysyp jatyr.

Daýys berýdiń birinshi kúniniń jartysynda Naýryzbaı men Alataý aýdanynyń bastaýysh partııa uıymdary músheleri belsendilik tanytsa, qazir «kóshti» Medeý jáne Áýezov aýdandary bastap keledi.

Bul aýdandarda eń kóp daýys berýshiler tirkeldi.

Materıal jarııalanǵan sátte Almatyda 24 myń partııa múshesi daýys bergen.