Praımerız: Aqtóbe oblysynda saıası naýqanǵa 486 adam tirkeldi
«Nur Otan» partııasy Aqtóbe oblystyq fılıaly tóraǵasynyń birinshi orynbasary Erbol Danaǵulovtyń aıtýynsha, tirkelgen úmitkerlerdiń 35,8 paıyzy - áıel, 29 paıyzy - 35 jasqa deıingi jastar. Bastaýysh partııa uıymdarynan 221 azamat usynylsa, ózin-ózi usynýshylar – 265 adam.
Praımerızge qatysýǵa Aqtóbe qalasy, Muǵaljar, Hromtaý, Shalqar, Alǵa aýdandary erekshe belsendilik tanytqan. Úmitkerler 31 tamyzdan 6 qyrkúıekke deıin úgit-nasıhat naýqanyna daıyndalyp, 7 qyrkúıekten bastap úgit júrgizýge kirisedi. Onyń ishinde 25 orynda jarııa pikirsaıys ótkizý qarastyrylǵan. Barlyq úmitker qatysýǵa mindetti.
«Úmitkerler birinshi kezeńde naqty eldi mekenderdiń máselelerin sheshý boıynsha óz usynysyn tanystyrady. ıAǵnı, jergilikti jerlerdegi ózekti máselelerdi ashyq kóterip, naqty sheshim jolyn kórsetýi tıis. Ekinshi kezeńde «suraq-jaýap» formatynda pikirsaıys sessııasy ótedi. Pikirsaıystyń jalpy uzaqtyǵy 90 mınýttan aspaıdy», -dep Erbol Danaǵulov jarııa pikirsaıystardy ótkizý tártibin aıtyp ótti.
Partııaishilik saılaýda adamdardyń qaýipsizdigi basty orynǵa qoıylǵan. Úmitkerlerdiń jarııa pikirsaıystary, partııa múshelerimen kezdesýleri kem degende 2 metr araqashyqtyqty saqtaı otyryp ótedi.
Sondaı-aq kezdesýlerdi kóbine ashyq alańda, al pikirsaıystardy onlaın formatta uıymdastyrý qarastyrylǵan. 1-3 qazan aralyǵynda oblystaǵy 33 myńnan astam partııa múshesiniń daýys berýi úshin 136 daýys berý ýchaskesi belgilendi.
Interneti bar 42 ýchaskede dástúrli bıýlletenmen, 94 ýchaskede onlaın daýys berý josparlanyp otyr.
«Búginnen bastap úmitkerlermen kezdesý uıymdastyryp, úgit-nasıhat jumystary týraly jan-jaqty aqparat berýdi bastadyq. Úmitkerlerimiz shetinen bilimdi, belsendi, óz kúshine senimdi. Bastysy elimizdiń damýyna múddeli. Biz olarǵa teń múmkindik berip, adal, ashyq túrde baq synaýlaryna bar jaǵdaıdy jasaımyz», - dedi Erbol Danaǵulov.
