Praımerız: 643 eldi mekende qaǵaz bıýlletender boıynsha daýys berý ótti
«Bul eldi mekender respýblıkalyq deńgeıdegi qalalardy qospaǵanda elimizdiń barlyq óńirlerindegi shalǵaı aýdandarda ornalasqan. «Nur Otan» partııasynyń barlyq músheleriniń saılaý quqyǵyn iske asyrý úshin jasalǵan.
Jalpy, bıýlleten boıynsha 82 552 adam daýys berdi.Ol úshin arnaıy saılaý ýchaskeleri ashyldy. Ýchaskelerde kandıdattardyń senimdi ókilderi – baqylaýshylar jumys istedi. Aımaqtyń Uıymdastyrý komıtetteriniń málimeti boıynsha daýys berý Praımerız ótkizý erejelerin buzbaı jáne barlyq sanıtarlyq normalardy qatań saqtaı otyryp ótti.
Tıisti ýchaskelik esep komıssııalarynyń ókilderi esepteý júrgizdi. 3 qazan kúngi saǵat 20.00-de barlyq bıýlletender men daýys berý nátıjeleri partııanyń aýdandyq fılıaldaryna jetkizildi.
Aımaqtyq esep komıssııalary tarapynan bıýlletenderdiń hattama málimetterine sáıkestigin tekserildi. Barlyq materıaldar Ortalyq apparatqa verıfıkatsııa jasaý úshin jiberildi. Ár bıýlletende arnaıy qorǵanys markeri bar», - dedi Álibek Áldeneı.
Qazir bıýlletender boıynsha daýys berý nátıjelerin «Praımerız» aqparattyq júıesine engizý jumystary aıaqtalýda.
Derekterdi jańartý jaqyn arada bir mezette júzege asyrylady.
Esterińizge sala keteıin, https://vote.primaries.kz veb-saıty jáne mobıldi qosymsha arqyly onlaın daýys berý merzimi týra bir táýlikke, ıaǵnı 4 qazan kúngi saǵat 14:00-ge deıin uzartylǵan.
