Pravoslavıe Qazaqstanda mańyzy jaǵynan jáne ony dáripteýshilerdiń sany boıynsha ıslamnan keıingi ekinshi orynda - Búkil Rýs Patrıarhy Kırıll
ALMATY. Qańtardyń 18-i. QazAqparat /Elena Ilınskaıa/ - Búkil Rýs Patrıarhy Kırıll Orys pravoslav shirkeýi men qazaqstandyq ókimettiń arasyndaǵy yntymaqtastyqtyń jalǵasatynyna úmit artty.
Bul týraly Patrıarh keshe Almaty jurtshylyǵymen bolǵan kezdesý barysynda málim etti. Onyń aıtýynsha, pravoslavıe - Qazaqstan tarıhynyń ajyramas bólshegi, ıaǵnı onyń tarıhy tereń ǵana emes, keleshegi de kemel. Qazaqstan halqynyń úshten biri pravoslavıeni dáripteıdi. Qazaqstanda ol mańyzy jaǵynan jáne ony dáripteýshilerdiń sany boıynsha ıslamnan keıingi ekinshi orynda.
Patrıarh óz sózinde atap kórsetkendeı, Orys pravoslav shirkeýi men Qazaqstan ókimetiniń arasyndaǵy búgingi qarym-qatynas barynsha senimdi. Jáne Qazaqstan Prezıdenti men jergilikti shirkeý basshylyǵy Mıtropolıt Mefodııdiń ondaǵy eńbegi zor.
«Qańtardyń 7-si kúni elde Rojdestvo merekesiniń toılanatyny jáne bul kúnniń demalys ekeni qýanyshty jaıt. Bul shyn máninde, dindarlar men olardyń salt-dástúrlerine kórsetilip otyrǵan qurmet», - dedi Patrıarh óz sózinde.
Onyń aıtýynsha, sońǵy jyldary Orys pravoslav shirkeýi men qazaqstandyq ókimettiń arasyndaǵy yntymaqtastyq artyp keledi. «Ótken jyldyń shilde aıynda men Dinder jónindegi komıtettiń tóraǵasy Ardaq Dosjandy, al qazan aıynda Máskeýge resmı saparynyń aıasynda Parlament Senatynyń tóraǵasy Qasym-Jomart Toqaevty qabyldadym. Bul qarym-qatynastar mádenıetaralyq dıalogqa úlken qoldaý bolyp otyr», - dedi Patrıarh óz sózinde.
