Pravoslavıe hrıstıandary Shoqyný merekesine oraı sýǵa shomylýdy bastady

ASTANA. QazAqparat - Qańtardyń 18-inen 19-yna qaraǵan túni pravoslavıe dini ókilderi Shoqyný merekesine oraı sýǵa shomylýdy bastady, dep habarlaıdy QazAqparat.

Osy ýaqytta Astanada pravoslavıe hrıstıandary sýǵa shomylý úshin Esil ózeninde arnaıy ázirlengen jerlerge aǵylýda.

Onyń biri - M.Ótemisuly atyndaǵy Oqýshylar saraıynyń aýdanynda («Grand Alataý» TK), ekinshisi sol jaǵalaýda Ortalyq qalalyq saıabaqtyń («Samal» sh/a) janynda ornalasqan.  

Qaýipsizdik is-sharalaryn saqtaý maqsatynda belgilengen jerlerde TJD-niń arnaıy bólimsheler mamandary, qutqarýshy-súńgýirshiler, medıtsınalyq qyzmetkerler kezekshilik etýde. 

Óz kezeginde Astana qalalyq Tótenshe jaǵdaılar departamenti qys mezgilinde sýda uzaq ýaqyt bolýǵa tyıym salynǵanyn, alkogoldi mas kúıde sýǵa túsýge bolmaıtynyn eskertýde. 









 

Foto áleýmettik jeliden alyndy

Vıdeo: Ilzat Safargalıev.