Praporşık balabaqshadaǵy órtten alty búldirshindi qutqardy
ASTANA. QazAqparat - Reseıdiń Prımore ólkesi boıynsha FQQ Shekara qyzmetiniń qyzmetkeri praporşık Alekseı Pýzanov Vladıvostoktaǵy balabaqshada bolǵan órtte alty sábıdi qutqaryp qaldy.
Erjúrek azamatty "Ajaldan qutqarǵany úshin" medaline usynbaq, dep habarlady RIA Novostı FQQ Qoǵammen baılanys ortalyǵyna silteme jasap.
Mekemeniń habarlaýynsha, 4 qańtar kúni Pýzanov óz kóligimen Vladıvostok kóshelerinen ótip bara jatyp, jeke balabaqshalar ornalasqan kottedjdiń órtke oranǵanyn kóredi. Praporşık alty bala men es-tússiz jatqan tárbıeshi áıeldi qutqaryp qaldy, balalardyń eń kishisi eki jasta.
Jeńil kıingen balalardy Pýzanov óz kóligine otyrǵyzyp, kórshiles úıdiń turǵyndaryna tapsyrdy.
